ᠸᠢᠽᠠᠨᠲ᠋ᠢ
ᠸᠢᠽᠠᠨᠲ᠋ᠢ ᠪᠤᠶᠤ ᠺᠣᠨᠰᠲ᠋ᠠᠨᠲ᠋ᠢᠨᠣᠫᠣᠯᠢ ᠨᠢ ᠵᠡᠭᠦᠨ ᠷᠤᠮᠠᠨᠢᠶ ᠠ ᠡᠵᠡᠨᠲᠦ ᠤᠯᠤᠰ ᠪᠤᠶᠤ ᠸᠢᠰᠠᠩᠲᠤ ᠶᠢᠨ ᠡᠵᠡᠨᠲᠦ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠶᠤᠮ᠃ 5 ᠍ ᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠳᠦ᠂ ᠷᠤᠮᠠᠨᠢᠶ ᠠ ᠪᠠᠷᠠᠭᠤᠨ ᠢᠮᠫᠧᠷᠢ ᠮᠥᠬᠥᠵᠦ᠂ ᠸᠠᠷᠪᠠᠷ ᠤᠨ ᠬᠡᠳᠦ ᠬᠡᠳᠦᠨ ᠸᠠᠩᠲᠤ ᠤᠯᠤᠰ ᠪᠣᠯᠤᠨ ᠵᠠᠳᠠᠷᠠᠵᠠᠢ᠃ ᠬᠠᠷᠢᠨ ᠷᠤᠮᠠᠨᠢᠶ ᠠ ᠢᠮᠫᠧᠷᠢ ᠶᠢᠨ ᠬᠠᠮᠤᠭ ᠤᠨ ᠪᠠᠶᠠᠯᠢᠭ ᠪᠥᠭᠡᠳ ᠰᠣᠶᠣᠯᠲᠤ ᠮᠤᠵᠢ ᠨᠤᠭᠤᠳ ᠪᠠᠯᠺᠠᠨ ᠤ ᠬᠣᠶᠢᠭ᠂ ᠪᠠᠭᠠ ᠠᠽᠢᠶᠠ᠂ ᠰᠢᠷᠢᠢ ᠠ᠂ ᠫᠠᠯᠧᠰᠲ᠋ᠠᠨ ᠪᠠ ᠶᠸᠵᠠᠫᠲᠡᠶᠢᠭ ᠪᠠᠭᠲᠠᠭᠠᠭᠰᠠᠨ᠂ ᠷᠤᠮᠠᠨᠢᠶ ᠠ ᠵᠡᠭᠦᠨ ᠢᠮᠫᠧᠷᠢ ᠨᠢ ᠨᠡᠯᠢᠶᠡᠳ ᠪᠠᠲᠤᠵᠢᠯ ᠲᠠᠢ ᠪᠠᠶᠢᠵᠢᠵᠠᠢ᠃ ᠷᠤᠮᠠᠨᠢᠶ ᠠ ᠵᠡᠭᠦᠨ ᠢᠮᠫᠧᠷᠢ ᠨᠢ ᠪᠠᠷᠠᠭᠤᠨ ᠠᠴᠠ ᠪᠠᠨ ᠬᠦᠴᠦᠷᠬᠡᠭ ᠪᠥᠭᠡᠳ ᠪᠠᠶᠠᠯᠢᠭ ᠪᠠᠶᠢᠪᠠ᠃ ᠥᠷᠥᠨᠡ ᠳᠠᠬᠢᠨ ᠳᠤ ᠬᠣᠲᠠ᠂ ᠬᠤᠳᠠᠯᠳᠤᠭᠠ ᠤᠨᠤᠵᠤ ᠪᠠᠶᠢᠭᠰᠠᠨ ᠦᠶᠡ ᠳᠦ ᠺᠣᠨᠰᠲ᠋ᠠᠨᠲ᠋ᠢᠨᠣᠫᠣᠯᠢ᠂ ᠠᠨᠲ᠋ᠢᠣᠬᠢ᠂ ᠠᠯᠧᠺᠰᠠᠨᠳᠠᠷ ᠭᠡᠬᠦ ᠮᠡᠲᠦ ᠶᠢᠨ ᠬᠤᠳᠠᠯᠳᠤᠭᠠᠨ ᠤ ᠲᠣᠮᠣ ᠬᠣᠲᠠ ᠨᠤᠭᠤᠳ ᠴᠡᠴᠡᠭᠯᠡᠵᠦ ᠪᠠᠶᠢᠭᠰᠠᠨ᠃ ᠪᠠᠷᠠᠭᠤᠨ ᠷᠤᠮᠠ ᠬᠣᠭᠣᠰᠣᠷᠠᠨ ᠰᠦᠢᠷᠡᠵᠦ ᠪᠠᠶᠢᠬᠤ ᠳᠤ ᠺᠣᠨᠰᠲ᠋ᠠᠨᠲ᠋ᠢᠨᠣᠫᠣᠯᠢ ᠳᠤ ᠬᠦᠮᠦᠨ ᠠᠮᠠ ᠣᠯᠠᠰᠢᠷᠠᠨ᠂ ᠪᠠᠭᠠᠳᠬᠤ ᠦᠭᠡᠢ ᠪᠣᠯᠤᠭᠠᠳ᠂ ᠬᠣᠲᠠ ᠶᠢ ᠨᠡᠮᠡᠵᠦ ᠪᠠᠷᠢᠬᠤ ᠳᠤ ᠬᠦᠷᠢᠵᠢ ᠪᠠᠶᠢᠴᠠᠢ᠃ ᠬᠣᠳᠠ ᠳᠤ ᠦᠵᠡᠰᠬᠦᠯᠡᠩᠲᠦ ᠰᠠᠶᠢᠬᠠᠨ ᠪᠠᠷᠢᠯᠭᠠ ᠨᠤᠭᠤᠳ ᠪᠠᠷᠢᠭᠳᠠᠵᠤ ᠤᠰᠤᠨ ᠪᠣᠭᠣᠮᠲᠠ ᠨᠤᠭᠤᠳ ᠨᠢ ᠣᠯᠠᠨ ᠣᠷᠣᠨ ᠤ ᠬᠥᠯᠥᠭ ᠣᠩᠭᠣᠴᠠ ᠨᠤᠭᠤᠳ ᠰᠢᠬᠠᠯᠳᠤᠵᠤ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠸᠢᠰᠠᠩᠲᠤ ᠶᠢᠨ ᠢᠮᠫᠧᠷᠢ᠂ ᠳᠣᠷᠣᠨᠠ ᠳᠠᠬᠢᠨ ᠤ ᠣᠷᠣᠨ ᠨᠤᠭᠤᠳ ᠲᠠᠢ ᠶᠡᠷᠦᠳᠡ ᠶᠢᠨ ᠬᠥᠰᠬᠡ ᠶᠢᠨ ᠪᠠ ᠳᠠᠯᠠᠢ ᠶᠢᠨ ᠬᠤᠳᠠᠯᠳᠤᠭᠠ ᠶᠢ ᠥᠷᠭᠡᠨ ᠢᠶᠡᠷ ᠶᠠᠪᠤᠭᠤᠯᠵᠤ ᠢᠷᠡᠨ᠂ ᠠᠷᠠᠪ᠂ ᠠᠪᠢᠰᠰᠢᠨ᠂ ᠡᠨᠡᠳᠬᠡᠭ᠂ ᠬᠢᠲᠠᠳ ᠣᠷᠣᠨ ᠨᠤᠭᠤᠳ ᠠᠴᠠ ᠦᠨᠡᠲᠦ ᠴᠢᠯᠠᠭᠤ᠂ ᠦᠨᠦᠷᠲᠡᠨ ᠦ ᠵᠦᠢᠯ᠂ ᠵᠠᠭᠠᠨ ᠤ ᠶᠠᠰᠤ᠂ ᠠᠮᠲᠠᠲᠤ ᠪᠣᠣᠪᠣ ᠪᠣᠯᠤᠨ ᠲᠣᠷᠭᠠ ᠶᠢ ᠠᠪᠴᠢᠷᠠᠳᠠᠭ ᠪᠠᠶᠢᠴᠠᠢ᠃ ᠸᠢᠰᠠᠩᠲᠤ ᠶᠢᠨ ᠢᠮᠫᠧᠷᠢ ᠶᠢᠨ ᠬᠣᠲᠠ ᠨᠤᠭᠤᠳ ᠲᠤ ᠭᠠᠷ ᠤᠷᠠᠴᠤᠳ᠂ ᠰᠢᠯᠢᠨ ᠰᠠᠪᠠ᠂ ᠦᠨᠡᠲᠦ ᠨᠡᠬᠡᠮᠡᠯ᠂ ᠠᠯᠲᠠᠨ ᠮᠥᠩᠭᠥᠨ ᠡᠳ᠋ᠯᠡᠯ ᠢ ᠬᠢᠳᠡᠭ ᠪᠠᠶᠢᠪᠠ᠃ 6 ᠍ ᠳᠦᠭᠡᠷ ᠵᠠᠭᠤᠨ ᠤ ᠦᠶᠡᠰ ᠡᠬᠢᠯᠡᠨ᠂ ᠸᠢᠰᠠᠩᠲᠤ ᠶᠢᠨ ᠢᠮᠫᠧᠷᠢ ᠳᠤ ᠬᠦᠷᠦ ᠬᠣᠷᠣᠬᠠᠢ ᠲᠣᠷᠭᠠ ᠨᠡᠬᠡᠬᠦ ᠪᠣᠯᠪᠠ᠃ ᠸᠢᠽᠠᠨᠲ᠋ᠢ ᠨᠢ ᠮᠠᠰᠢ ᠣᠯᠠᠨ ᠬᠥᠯᠦᠰᠦᠨ ᠦ ᠴᠡᠷᠢᠭ ᠲᠡᠢ ᠪᠠᠶᠢᠭᠰᠠᠨ ᠪᠠ ᠪᠠᠲᠤ ᠪᠡᠬᠢ ᠠᠷᠮᠢ ᠭᠦᠢ ᠪᠠᠶᠢᠭᠰᠠᠨ ᠤᠴᠢᠷ ᠨᠢ ᠡᠳᠡᠭᠡᠷ ᠴᠡᠷᠢᠭ ᠨᠢ ᠡᠬᠡ ᠣᠷᠣᠨᠴᠢ ᠰᠡᠳᠬᠢᠯᠭᠡ ᠭᠦᠢ ᠪᠠᠶᠢᠭᠰᠠᠨ᠃ ᠳᠡᠭᠡᠳᠦ ᠬᠥᠭᠵᠢᠯᠳᠦᠭᠡ ᠶᠤᠶᠢᠰᠲ᠋ᠢᠨᠢᠶᠠᠨ ᠬᠠᠭᠠᠨ ᠤ ᠦᠶᠡ ᠳᠦ ᠶᠤᠮ᠃
