ᠣᠶᠢᠷᠠᠳ

ᠣᠶᠢᠷᠠ

ᠬᠣᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠪᠡᠷ ᠵᠢᠩ ᠲᠡᠭᠡᠭᠡᠵᠦ ᠶᠠᠪᠤᠭ᠎ᠠ ᠣᠶᠢᠷᠠᠳ
ᠥᠨᠥ ᠶᠢᠨ ᠪᠠᠶᠢᠳᠠᠯ
ᠨᠤᠲᠤᠭ ᠣᠷᠣᠨ	ᠳᠡᠯᠡᠬᠡᠢ ᠳᠠᠶᠠᠭᠠᠷ — 690 ᠮᠢᠩᠭ᠎ᠠ (2010 ᠣᠨ). ᠡᠭᠦᠨ ᠡᠴᠡ: ᠬᠢᠲᠠᠳ (ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ) — 250,000 (ᠲᠣᠭᠠᠴᠠᠭ᠎ᠠ) ᠰᠢᠨᠵᠢᠶᠠᠩ (ᠰᠢᠨᠵᠢᠶᠠᠨ ᠤᠶᠢᠭᠤᠷ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ) — 139,000 (ᠲᠣᠭᠠᠴᠠ᠃) ᠬᠥᠬᠡᠨᠠᠭᠤᠷ ᠮᠤᠵᠢ — 90,000 ᠮᠣᠩᠭᠣᠯ (ᠮᠣᠩᠭᠣᠯ ᠤᠯᠤᠰ) — 236,067 ᠤᠪᠰᠤ ᠠᠶᠢᠮᠠᠭ — 62,388 ᠬᠣᠪᠳᠣ ᠠᠶᠢᠮᠠᠭ — 42,756 ᠣᠷᠣᠰ (ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ) — 183,372 (ᠲᠣᠭᠠᠯᠠᠯᠭ᠎ᠠ) ᠬᠠᠯᠢᠮᠠᠭ (БНХалУ) — 162,740 (ᠲᠣᠭᠠᠯᠠᠯ) ᠬᠢᠷᠭᠢᠰ (БНХирУ) — 4,188
ᠬᠡᠯᠡ ᠠᠶᠠᠯᠭᠤ	ᠮᠣᠩᠭᠣᠯ ᠬᠡᠯᠡᠨᠢᠭᠢ ᠥᠷᠥᠨᠡᠲᠦ ᠠᠶᠠᠯᠭᠤ (ᠣᠶᠢᠷᠠᠳ ᠤᠨ ᠦᠨᠳᠦᠰᠦᠨ), ᠲᠥᠪ ᠠᠶᠠᠯᠭᠤ᠂ ᠲᠥᠪ ᠥᠷᠥᠨᠡᠲᠦ ᠶᠢᠨ ᠵᠠᠪᠰᠠᠷ ᠤᠨ ᠠᠶᠠᠯᠭᠤ᠂ ᠵᠠᠷᠢᠮ ᠬᠡᠰᠡᠭ ᠲᠦ ᠲᠤᠬᠠᠢ ᠶᠢᠨ ᠤᠯᠤᠰ ᠤᠨ ᠣᠷᠣᠰ᠂ ᠬᠢᠲᠠᠳ᠂ ᠬᠢᠷᠭᠢᠰ᠂ ᠠᠩᠭᠯᠢ ᠬᠡᠯᠡ
ᠪᠢᠴᠢᠭ ᠦᠰᠦᠭ	ᠤᠯᠠᠮᠵᠢᠯᠠᠯᠲᠤ ᠲᠣᠳᠣ ᠮᠣᠩᠭᠣᠯ ᠦᠰᠦᠭ᠂ ᠣᠷᠴᠢᠨ ᠴᠠᠭ ᠲᠤ ᠨᠤᠲᠤᠭ ᠣᠷᠣᠨ ᠢᠶᠠᠨ ᠳᠠᠭᠠᠭᠠᠳ ᠬᠤᠳᠤᠮ ᠮᠣᠩᠭᠣᠯ ᠦᠰᠦᠭ᠂ ᠬᠠᠯᠢᠮᠠᠭ ᠺᠢᠷᠢᠯ᠂ ᠮᠣᠩᠭᠣᠯ ᠺᠢᠷᠢᠯ ᠢᠶᠡᠷ ᠪᠢᠴᠢᠳᠡᠭ᠃
ᠰᠢᠲᠦᠯᠭᠡ	ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠤ ᠪᠤᠶᠠᠨ ᠤ ᠶᠣᠰᠣ (ᠰᠢᠷ᠎ᠠ ᠶᠢᠨ ᠱᠠᠰᠢᠨ), ᠲᠩᠷᠢ ᠭᠠᠵᠠᠷ ᠢᠶᠠᠨ ᠠᠷᠭᠠᠳᠠᠬᠤ ᠤᠬᠠᠭᠠᠨ᠂ ᠰᠢᠲᠦᠯᠭᠡ ᠦᠭᠡᠢ ᠵᠠᠩ
ᠲᠥᠷᠥᠯ ᠬᠣᠯᠪᠣᠭ᠎ᠠ
ᠣᠶᠢᠷ᠎ᠠ ᠲᠥᠷᠥᠯ	ᠪᠤᠰᠤᠳ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ
ᠬᠡᠯᠡ ᠤᠭᠰᠠᠭ᠎ᠠ	ᠮᠣᠩᠭᠣᠯ ᠤᠭᠰᠠᠭᠠᠲᠠᠨ (ᠮᠣᠩᠭᠣᠯ ᠲᠥᠷᠥᠯ ᠦᠨ ᠬᠡᠯᠡᠲᠡᠨ)
ᠳᠣᠲᠣᠷ᠎ᠠ ᠪᠠᠨ	ᠪᠤᠵᠠᠸᠠ᠂ ᠪᠠᠶᠠᠳ᠂ ᠳᠥᠷᠪᠡᠳ᠂ ᠵᠠᠬᠠᠴᠢᠨ᠂ ᠮᠢᠩᠭᠠᠳ᠂ ᠥᠭᠡᠯᠡᠳ᠂ ᠰᠠᠷ᠎ᠠ ᠳᠤ ᠬᠠᠯᠢᠮᠠᠭ᠂ ᠲᠣᠷᠭᠤᠳ᠂ ᠤᠷᠢᠶᠠᠩᠬᠠᠢ᠂ ᠬᠠᠯᠢᠮᠠᠭ᠂ ᠬᠣᠲᠠᠨ, ᠬᠣᠱᠤᠳ᠃

ᠮᠣᠩᠭᠣᠯ ᠤᠭᠰᠠᠭᠠᠲᠠᠨ ᠪᠣᠯᠤᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠳᠤᠮᠳᠠ ᠪᠠᠷᠠᠭᠤᠨ ᠵᠦᠭ ᠲᠤ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ᠂ ᠬᠡᠯᠡ ᠠᠶᠠᠯᠭᠤ᠂ ᠲᠡᠦᠬᠡᠨ ᠦᠷ᠎ᠡ ᠪᠡᠷ ᠪᠤᠰᠤᠳ ᠠᠴᠠ ᠪᠠᠨ ᠢᠯᠭᠠᠷᠠᠬᠤ ᠪᠦᠯᠦᠭ ᠢ ᠣᠶᠢᠷᠠᠳ ᠭᠡᠳᠡᠭ᠃ ᠰᠡᠭᠦᠯ ᠦᠨ ᠦᠶ᠎ᠡ ᠳᠦ ᠪᠠᠰᠠ ᠣᠶᠢᠷᠠᠳ ᠭᠡᠵᠦ ᠪᠢᠴᠢᠳᠡᠭ ᠪᠣᠯᠪᠠ᠃ ᠮᠣᠩᠭᠣᠯ ᠦᠰᠦᠭ ᠢᠶᠡᠷ ᠣᠶᠢᠷᠠᠳ,ᡆᡕᡅᠷᠠᡑ

ᠣᠶᠢᠷᠠᠳ ᠮᠣᠩᠭᠣᠯᠴᠤᠳ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠡᠴᠡ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠍ ᠤᠨ ᠪᠦᠷᠢᠯᠳᠦᠬᠦᠨ ᠳᠦ ᠪᠠᠭᠳᠠᠵᠣ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠡᠴᠦᠰ ᠢᠶᠡᠷ ᠪᠠᠭ᠎ᠠ ᠬᠠᠭᠠᠳ ᠤᠨ ᠦᠶ᠎ᠡ ᠡᠬᠢᠯᠡᠬᠦ ᠳᠦ ᠬᠠᠭᠠᠨ ᠤ ᠵᠠᠬᠢᠷᠭ᠎ᠠ ᠲᠠᠢ ᠮᠥᠴᠡᠭᠡᠷᠬᠡᠵᠦ ᠵᠠᠶᠢᠳᠠᠭᠤᠬᠠᠨ ᠪᠠᠶᠢᠬᠤ ᠪᠣᠯᠵᠠᠢ᠃ ᠳᠥᠷᠪᠡᠨ ᠠᠶᠢᠮᠠᠭ ᠬᠣᠯᠪᠣᠭᠠᠯᠠᠭᠰᠠᠨ ᠢ ᠲᠡᠦᠬᠡᠨ ᠳᠦ ᠳᠥᠷᠪᠡᠨ ᠣᠶᠢᠷᠠᠳ ᠭᠡᠳᠡᠭ᠃ ᠳᠥᠷᠪᠡᠨ ᠣᠶᠢᠷᠠᠳ ᠠᠴᠠ ᠤᠯᠪᠠᠭᠠᠯᠠᠭᠰᠠᠨ ᠣᠶᠢᠷᠠᠳ ᠤᠨ ᠲᠥᠷᠥ ᠤᠯᠤᠰ ᠵᠦᠩᠭᠠᠷ ᠤᠨ ᠬᠠᠭᠠᠨᠲᠤ ᠤᠯᠤᠰ᠂ ᠬᠣᠱᠤᠳ ᠤᠨ ᠪᠣᠯᠤᠨ ᠬᠠᠯᠢᠮᠠᠭ ᠤᠨ ᠬᠠᠨᠲᠠ ᠤᠯᠤᠰ ᠍ ᠢ ᠪᠠᠶᠢᠭᠤᠯᠵᠤ 18 ᠳ᠋ᠣᠭᠠᠷ ᠵᠠᠭᠤᠨ ᠤ ᠳᠤᠮᠳᠠ ᠬᠦᠷᠲᠡᠯ᠎ᠡ 400 ᠭᠠᠷᠤᠢ ᠵᠢᠯ ᠲᠣᠳᠣᠷᠠᠵᠤ ᠶᠠᠪᠤᠭᠠᠳ ᠮᠠᠨᠵᠤ ᠴᠢᠩ ᠤᠯᠤᠰ᠂ ᠬᠠᠭᠠᠨᠲᠤ ᠣᠷᠣᠰ ᠤᠯᠤᠰ ᠤᠨ ᠬᠠᠷᠢᠶᠠᠨ ᠳᠤ ᠬᠤᠪᠢᠶᠠᠭᠳᠠᠭᠰᠠᠨ ᠠᠴᠠ 300 ᠭᠠᠷᠤᠢ ᠵᠢᠯ ᠪᠣᠯᠬᠤ ᠳᠤ ᠳᠠᠬᠢᠨ ᠤᠯᠤᠰ ᠪᠠᠶᠢᠭᠤᠯᠤᠭᠰᠠᠨ ᠦᠭᠡᠢ᠃ ᠡᠳᠦᠭᠡ ᠮᠣᠩᠭᠣᠯ᠂ ᠬᠢᠲᠠᠳ᠂ ᠣᠷᠣᠰ ᠭᠤᠷᠪᠠᠨ ᠤᠯᠤᠰ ᠲᠤ ᠲᠤᠰ ᠪᠦᠷᠢ ᠪᠠᠷᠤᠭ ᠲᠡᠩᠴᠡᠭᠦᠦ ᠲᠣᠭ᠎ᠠ ᠲᠠᠢ᠂ ᠪᠦᠭᠦᠳᠡ 700 ᠮᠢᠩᠭ᠎ᠠ ᠭᠠᠷᠤᠢ ᠣᠶᠢᠷᠠᠳ ᠤᠨ ᠶᠠᠰᠤ ᠠᠶᠢᠮᠠᠭ ᠤᠨ ᠬᠦᠮᠦᠨ ᠠᠮᠢᠳᠤᠷᠠᠵᠤ ᠪᠠᠶᠢᠨ᠎ᠠ᠃

ᠮᠣᠩᠭᠣᠯ ᠤᠯᠤᠰ ᠤᠨ ᠣᠶᠢᠷᠠᠳ ᠤᠳ ᠣᠷᠣᠨ ᠳᠠᠶᠠᠭᠠᠷ᠂ ᠭᠣᠣᠯᠴᠠᠭᠤ ᠤᠯᠠᠭᠠᠨᠪᠠᠭᠠᠲᠤᠷ᠂ ᠤᠪᠰᠤ᠂ ᠬᠣᠪᠳᠣ ᠳᠤ ᠣᠷᠣᠰᠢᠨ ᠰᠠᠭᠤᠵᠤ ᠪᠠᠶᠢᠨ᠎ᠠ᠃ ᠪᠠᠶᠠᠭᠤᠳ᠂ ᠳᠥᠷᠪᠡᠳ᠂ ᠵᠠᠬᠠᠴᠢᠨ᠂ ᠮᠢᠩᠭᠠᠳ᠂ ᠥᠭᠡᠯᠡᠳ᠂ ᠲᠣᠷᠭᠤᠳ᠂ ᠤᠷᠢᠶᠠᠩᠬᠠᠢ᠂ ᠬᠣᠲᠠᠨ ᠭᠡᠳ ᠬᠠᠭᠤᠴᠢᠨ ᠬᠣᠰᠢᠭᠤ᠂ ᠣᠳᠣ ᠶᠢᠨ ᠶᠠᠰᠤᠲᠠᠨ ᠤ ᠪᠠᠨ ᠨᠡᠷ᠎ᠡ ᠪᠡᠷ ᠪᠦᠷᠢᠳᠬᠡᠭᠳᠡᠳᠡᠭ᠃ 2010 ᠣᠨ ᠤ ᠲᠣᠭᠠᠯᠠᠯᠭ᠎ᠠ ᠪᠠᠷ 236 ᠮᠢᠩᠭᠠᠨ ᠬᠦᠮᠦᠨ ᠪᠠᠶᠢᠪᠠ᠃ ᠳᠤᠮᠳᠠᠳᠤ ᠤᠯᠤᠰ ᠤᠨ ᠣᠶᠢᠷᠠᠳ ᠤᠳ ᠬᠠᠭᠤᠴᠢᠨ ᠵᠦᠩᠭᠠᠷ᠂ ᠣᠳᠣ ᠶᠢᠨ ᠰᠢᠨᠵᠢᠶᠠᠩ ᠣᠷᠣᠨ ᠤ ᠪᠣᠷᠣᠳᠠᠯ᠎ᠠ᠂ ᠪᠠᠶᠠᠨᠭᠣᠣᠯ᠂ ᠬᠣᠪᠣᠭᠰᠠᠶᠢᠷ ᠨᠤᠲᠤᠭ᠂ ᠬᠥᠬᠡᠨᠠᠭᠤᠷ ᠮᠤᠵᠢ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯ ᠣᠷᠣᠨ ᠤ ᠠᠯᠠᠱᠠ᠂ ᠬᠥᠯᠦᠨ ᠪᠤᠶᠢᠷ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠵᠤ᠂ ᠶᠠᠰᠤ ᠠᠶᠢᠮᠠᠭ ᠢᠶᠠᠷ ᠪᠤᠰᠤ ᠶᠡᠷᠦᠩᠬᠡᠢ «ᠮᠣᠩᠭᠣᠯ ᠦᠨᠳᠦᠰᠦᠲᠡᠨ» ᠦᠭᠡ ᠪᠡᠷ ᠪᠦᠷᠢᠳᠬᠡᠭᠳᠡᠵᠦ ᠪᠠᠶᠢᠨ᠎ᠠ᠃ ᠲᠣᠭᠠᠴᠠᠵᠤ ᠪᠠᠭᠴᠠᠭᠠᠯᠠᠭᠰᠠᠨ ᠢᠶᠠᠷ 250 ᠮᠢᠩᠭ᠎ᠠ ᠪᠠᠶᠢᠨ᠎ᠠ᠃ ᠡᠭᠦᠨ ᠳᠦ ᠲᠣᠷᠭᠤᠳ᠂ ᠬᠣᠱᠤᠳ᠂ ᠤᠷᠢᠶᠠᠩᠬᠠᠢ ᠶᠠᠰᠤ ᠭᠣᠣᠯᠯᠠᠳᠠᠭ᠃ ᠣᠶᠢᠷᠠᠳ ᠤᠨ ᠤᠭ ᠨᠤᠲᠤᠭ ᠠᠴᠠ 6000 ᠺᠢᠯᠣᠮᠧᠲ᠋ᠷ ᠠᠯᠤᠰᠯᠠᠭᠳᠠᠭᠰᠠᠨ ᠧᠦ᠋ᠷᠣᠫᠠ ᠲᠢᠪ᠂ ᠺᠠᠰᠫ ᠦᠨ ᠲᠡᠩᠭᠢᠰ ᠦᠨ ᠡᠷᠭᠢ ᠳᠦ ᠣᠷᠣᠰ ᠤᠨ ᠣᠶᠢᠷᠠᠳ ᠤᠳ ᠪᠤᠶᠤ ᠬᠠᠯᠢᠮᠠᠭ ᠬᠡᠮᠡᠬᠦ ᠰᠢᠨ᠎ᠡ ᠨᠡᠷᠡᠲᠡᠢ ᠭᠤᠷᠪᠠᠳᠠᠬᠢ ᠬᠡᠯᠲᠡᠰ ᠪᠠᠶᠢᠨ᠎ᠠ᠃ ᠭᠤᠷᠪᠠᠨ ᠤᠯᠤᠰ ᠤᠨ ᠣᠶᠢᠷᠠᠳ ᠠᠴᠠ ᠭᠠᠭᠴᠠ ᠬᠠᠯᠢᠮᠠᠭ ᠤᠳ ᠨᠢᠭᠡᠳᠦᠭᠡᠷ ᠵᠡᠷᠭᠡ ᠶᠢᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠨᠤᠲᠤᠭ ᠲᠠᠢ ᠪᠠᠶᠢᠨ᠎ᠠ᠃ ᠣᠷᠣᠰ ᠤᠨ ᠬᠡᠮᠵᠢᠶᠡᠨ ᠳᠦ 183 ᠮᠢᠩᠭ᠎ᠠ᠂ ᠲᠡᠭᠦᠨ ᠡᠴᠡ ᠬᠠᠯᠢᠮᠠᠭ ᠣᠷᠣᠨ ᠳᠤ 163 ᠮᠢᠩᠭᠠᠨ ᠬᠠᠯᠢᠮᠠᠭ ᠲᠤᠰ ᠣᠷᠣᠨ ᠤ ᠪᠠᠨ ᠬᠦᠮᠦᠨ ᠠᠮᠠ ᠶᠢᠨ 58 ᠬᠤᠪᠢ ᠶᠢ ᠡᠵᠡᠯᠡᠨ ᠪᠠᠶᠢᠨ᠎ᠠ᠃ «ᠬᠠᠯᠢᠮᠠᠭ» ᠭᠡᠵᠦ ᠪᠦᠷᠢᠳᠬᠡᠭᠳᠡᠳᠡᠭ ᠪᠥᠭᠡᠳ ᠤᠭ ᠨᠢ ᠲᠣᠷᠭᠤᠳ᠂ᠳᠥᠷᠪᠡᠳ᠂ ᠬᠣᠱᠤᠳ᠂ ᠵᠦᠩᠭᠠᠷ᠂ ᠬᠣᠶᠢᠳᠤ ᠠᠶᠢᠮᠠᠭ᠂ ᠰᠢᠨ᠎ᠡ ᠪᠤᠵᠠᠸᠠ ᠶᠠᠰᠤᠲᠠᠨ ᠠᠴᠠ ᠪᠦᠷᠢᠳᠴᠡᠢ᠃ 14 ᠵᠠᠭᠤᠨ ᠳᠤ ᠰᠢᠨᠵᠢᠶᠠᠩ ᠠᠴᠠ ᠠᠭᠤᠯᠠ ᠳᠠᠪᠠᠭᠠᠳ ᠬᠢᠷᠭᠢᠰ ᠣᠷᠣᠨ ᠳᠤ ᠰᠠᠭᠤᠭᠰᠠᠨ ᠴᠥᠭᠡᠨ ᠲᠣᠭᠠᠨ ᠤ ᠬᠣᠲᠠᠨ ᠬᠠᠯᠢᠮᠠᠭ᠂ ᠬᠣᠷᠢᠳᠤᠭᠠᠷ ᠵᠠᠭᠤᠨ ᠳᠤ ᠭᠠᠳᠠᠭᠠᠳᠤ ᠣᠷᠣᠭᠣ ᠴᠠᠭᠠᠴᠢᠯᠠᠭᠰᠠᠨ ᠬᠦᠮᠦᠰ ᠪᠠᠰᠠ ᠪᠤᠢ᠃

ᠣᠶᠢᠷᠠᠳ ᠤᠨ ᠬᠡᠯᠡ ᠠᠶᠠᠯᠭᠤ ᠭᠤᠷᠪᠠᠨ ᠬᠡᠰᠡᠭ ᠲᠦ ᠪᠡᠨ ᠵᠢᠭᠠᠬᠠᠨ ᠵᠥᠷᠢᠭᠦᠦ ᠲᠡᠢ ᠪᠣᠯᠤᠭᠰᠠᠨ᠃ ᠮᠣᠩᠭᠣᠯ ᠤᠨ ᠬᠡᠯᠡ ᠰᠢᠨᠵᠢᠯᠡᠯᠴᠢ ᠱ ᠯᠤᠪᠰᠠᠩᠸᠠᠩᠳᠠᠨ 1959 ᠣᠨ ᠳᠤ ᠤᠷᠢᠳᠤ ᠶᠢᠨ ᠣᠯᠠᠨ ᠰᠤᠳᠤᠯᠭ᠎ᠠ ᠶᠢ ᠨᠢᠭᠡᠳᠬᠡᠨ ᠳ᠋ᠦᠩᠨᠡᠵᠦ ᠮᠣᠩᠭᠣᠯ ᠬᠡᠯᠡ  ᠤ ᠬᠢ ᠥᠷᠥᠨᠡᠲᠦ ᠠᠶᠠᠯᠭᠤ ᠪᠠᠷ ᠰᠢᠨᠵᠢᠶᠠᠩ ᠦᠨ ᠣᠶᠢᠷᠠᠳ᠂ ᠢᠵᠢᠯ ᠦᠨ ᠣᠶᠢᠷᠠᠳ (ᠬᠠᠯᠢᠮᠠᠭ) ᠬᠢᠯᠢᠴᠡᠵᠦ ᠪᠠᠶᠢᠨ᠎ᠠ᠂ ᠮᠣᠩᠭᠣᠯ ᠬᠡᠯᠡᠨ ᠦ ᠥᠷᠥᠨᠡᠲᠦ ᠲᠥᠪᠥᠶᠢᠨ ᠵᠠᠪᠰᠠᠷ ᠤᠨ ᠠᠶᠠᠯᠭᠤ ᠪᠠᠷ ᠮᠣᠩᠭᠣᠯ ᠤᠯᠤᠰ ᠤᠨ ᠬᠣᠪᠳᠣ᠂ ᠤᠪᠰᠣ᠂ ᠪᠠᠶᠠᠨ-ᠥᠯᠥᠭᠡᠢ ᠶᠢᠨ ᠣᠶᠢᠷᠠᠳ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠥᠬᠡᠨᠠᠭᠤᠷ᠂ ᠠᠯᠠᠱᠠ ᠶᠢᠨ ᠣᠶᠢᠷᠠᠳ ᠬᠢᠯᠢᠴᠡᠵᠦ ᠪᠠᠶᠢᠨ᠎ᠠ ᠭᠡᠳᠡᠭ ᠢ ᠲᠣᠳᠣᠳᠬᠠᠵᠠᠢ᠃ ᠣᠶᠢᠷᠠᠳ ᠬᠤᠳᠤᠮ ᠮᠣᠩᠭᠣᠯ ᠦᠰᠦᠭ ᠢᠶᠡᠷ ᠪᠢᠴᠢᠵᠦ ᠪᠠᠶᠢᠭᠠᠳ 16 ᠵᠠᠭᠤᠨ ᠠᠴᠠ ᠪᠤᠰᠤᠳ ᠮᠣᠩᠭᠣᠯᠴᠤᠳ ᠤᠨ ᠠᠳᠠᠯᠢ ᠪᠤᠷᠬᠠᠨ ᠤ ᠨᠣᠮ ᠰᠤᠳᠤᠯᠤᠨ ᠰᠠᠮᠭᠠᠷᠳᠢ᠂ ᠲᠥᠪᠡᠳ ᠪᠢᠴᠢᠭ ᠡᠴᠡ ᠮᠣᠩᠭᠣᠯᠴᠢᠯᠠᠵᠤ ᠪᠢᠴᠢᠭ ᠲᠦ ᠮᠡᠷᠭᠡᠰᠢᠭᠰᠡᠨ ᠳᠦ 1646 ᠣᠨ ᠳᠤ ᠵᠠᠶ᠎ᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠼᠤ ᠲᠡᠷᠡ ᠦᠶ᠎ᠡ ᠶᠢᠨ ᠮᠣᠩᠭᠣᠯ ᠬᠡᠯᠡᠨ ᠢᠶᠡᠨ ᠲᠠᠭᠠᠷᠠᠭᠤᠯᠤᠨ ᠪᠢᠴᠢᠬᠦ ᠳᠦᠷᠢᠮ ᠢ ᠤᠶᠠᠯᠳᠤᠭᠤᠯᠵᠤ᠂ ᠦᠰᠦᠭ ᠥᠷᠭᠡᠳᠬᠡᠨ ᠬᠡᠯᠡ ᠪᠢᠴᠢᠭ ᠢ ᠣᠶᠢᠷᠠᠲᠤᠭᠤᠯᠵᠤ ᠲᠣᠳᠣᠷᠠᠭᠤᠯᠤᠭᠰᠠᠨ ᠨᠢ ᠲᠣᠳᠣ ᠦᠰᠦᠭ ᠪᠠᠶᠢᠪᠠ᠃ ᠬᠠᠯᠢᠮᠠᠭ᠂ ᠮᠣᠩᠭᠣᠯ ᠤᠨ ᠣᠶᠢᠷᠠᠳ ᠬᠣᠷᠢᠳᠤᠭᠠᠷ ᠵᠠᠭᠤᠨ ᠳᠤ ᠯᠠᠲ᠋ᠢᠨ᠂ ᠺᠢᠷᠢᠯ ᠲᠡᠢ ᠵᠣᠯᠭᠠᠬᠤ ᠬᠦᠷᠲᠡᠯ᠎ᠡ ᠲᠣᠳᠣ ᠪᠢᠴᠢᠭ ᠲᠡᠢ ᠪᠠᠶᠢᠭᠰᠠᠨ ᠪᠣᠯ ᠰᠢᠨᠵᠢᠶᠠᠩ ᠦᠨ ᠣᠶᠢᠷᠠᠳ ᠬᠤᠳᠤᠮ ᠦᠰᠦᠭ ᠦᠨ ᠬᠠᠵᠠᠭᠤ ᠪᠠᠷ ᠣᠳᠣ ᠴᠤ ᠲᠣᠳᠣ ᠦᠰᠦᠭ ᠢᠶᠡᠷ ᠪᠢᠴᠢᠵᠦ ᠪᠠᠶᠢᠨ᠎ᠠ᠃ ᠣᠶᠢᠷᠠᠳ ᠤᠳ ᠪᠡᠶᠡᠯᠡᠬᠦ᠂ ᠬᠥᠬᠡᠮᠡᠢᠯᠡᠬᠦ ᠳᠤᠷᠠᠲᠠᠢ᠂ «ᠵᠢᠩᠭᠠᠷ» ᠪᠠᠭᠠᠲᠤᠷ ᠤᠨ ᠲᠤᠤᠯᠢ ᠬᠠᠶᠢᠯᠠᠳᠠᠭ᠃

ᠨᠡᠷ᠎ᠡ

«ᠣᠶᠢᠷᠠᠳ» ᠬᠡᠮᠡᠬᠦ ᠨᠡᠷ᠎ᠡ ᠶᠢᠨ ᠭᠠᠷᠤᠯ ᠤᠨ ᠲᠠᠯ᠎ᠠ ᠪᠡᠷ ᠬᠢ ᠳᠥᠷᠪᠡᠨ ᠰᠤᠳᠤᠯᠤᠭᠠᠴᠢ ᠶᠢᠨ ᠲᠠᠭᠠᠮᠠᠭ ᠢ ᠡᠨᠳᠡ ᠣᠨᠴᠠᠯᠠᠪᠠ᠃

1. 19 ᠵᠠᠭᠤᠨ ᠳᠤ ᠬᠠᠭᠠᠨᠲᠤ ᠣᠷᠣᠰ ᠤᠨ ᠣᠷᠴᠢᠭᠤᠯᠤᠭᠴᠢ᠂ ᠬᠠᠷ᠎ᠠ ᠯᠠᠮᠠ ᠨᠢᠺᠢᠲ᠋ᠠ ᠪᠢᠴᠤᠷᠢᠨ ᠤ ᠳᠡᠪᠰᠢᠭᠦᠯᠦᠭᠰᠡᠨ ᠮᠣᠩᠭᠣᠯ ᠺᠢᠷᠢᠯ ᠦᠰᠦᠭ ᠢᠶᠡᠷ ᠣᠶᠢᠷ᠎ᠠ, ᠬᠠᠯᠢᠮᠠᠭ ᠺᠢᠷᠢᠯ ᠦᠰᠦᠭ ᠢᠶᠡᠷ ᠥᠪᠡᠷ (ᠬᠣᠶᠠᠭᠤᠯᠠ «ᠣᠶᠢᠷ᠎ᠠ᠂ ᠳᠥᠲᠡ᠂ ᠬᠣᠯᠠ ᠪᠢᠰᠢ» ᠬᠡᠮᠡᠬᠦ ᠤᠳᠬ᠎ᠠ ᠲᠠᠢ) ᠭᠡᠵᠦ ᠪᠢᠴᠢᠳᠡᠭ ᠦᠭᠡᠨ ᠡᠴᠡ ᠭᠠᠷᠤᠯᠲᠠᠢ ᠭᠡᠰᠡᠨ ᠨᠢ ᠬᠠᠮᠤᠭ ᠤᠨ ᠦᠨᠡᠮᠰᠢᠯ ᠲᠡᠢ ᠲᠠᠭᠠᠮᠠᠭ ᠶᠤᠮ᠃ ᠣᠶᠢᠷ᠎ᠠ ᠭᠡᠬᠦ ᠦᠭᠡᠨ ᠦ ᠠᠷᠤ ᠠᠴᠠ ᠣᠯᠠᠨ ᠲᠣᠭᠠᠨ ᠤ ᠳᠦ ᠨᠥᠬᠥᠴᠡᠯ ᠣᠶᠢᠷ᠎ᠠ ᠳᠦ ᠭᠡᠵᠦ ᠵᠠᠯᠭᠠᠭᠠᠳ «ᠣᠶᠢᠷ᠎ᠠ ᠲᠣᠭᠣᠷᠢᠨ ᠤ ᠶᠠᠭᠤᠮᠠᠰ» ᠭᠡᠰᠡᠨ ᠤᠳᠬ᠎ᠠ ᠪᠦᠬᠦᠢ ᠣᠶᠢᠷᠠᠳ ᠭᠡᠰᠡᠨ ᠦᠭᠡ ᠭᠠᠭᠴᠠ ᠴᠤ ᠦᠰᠦᠭ ᠦᠨ ᠵᠥᠷᠢᠭᠦᠦ ᠦᠭᠡᠢ ᠡᠭᠦᠰᠳᠡᠭ᠃
2. 19 ᠵᠠᠭᠤᠨ ᠤ ᠣᠷᠣᠰ ᠤᠨ ᠪᠤᠷᠢᠶᠠᠳ ᠡᠷᠳᠡᠮᠲᠡᠨ ᠪ ᠳᠣᠷᠵᠢ «ᠣᠶᠢᠷᠠᠳ» ᠭᠡᠳᠡᠭ ᠨᠢ ᠣᠢ (ᠣᠢ ᠮᠣᠳᠣᠨ ᠤ ᠣᠢ)- ᠠᠷᠠᠳ ᠭᠡᠬᠦ ᠬᠣᠶᠠᠷ ᠦᠭᠡ ᠨᠡᠶᠢᠯᠡᠭᠰᠡᠨ ᠪᠠᠶᠢᠬᠤ ᠭᠡᠰᠡᠨ ᠡᠭᠦᠳᠡᠨ ᠡᠴᠡ «ᠣᠢ ᠶᠢᠨ ᠢᠷᠭᠡᠳ᠂ ᠣᠢ ᠶᠢᠨ ᠠᠷᠠᠳ» ᠭᠡᠬᠦ ᠤᠳᠬ᠎ᠠ ᠶᠢ ᠳᠡᠪᠰᠢᠭᠦᠯᠵᠦ᠂ ᠡᠨᠡ ᠨᠢ ᠴᠤ ᠮᠣᠩᠭᠣᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠤ ᠣᠷᠴᠢᠭᠤᠯᠭᠠᠨ ᠳᠤ ᠬᠡᠷᠡᠭᠯᠡᠭᠳᠡᠨ ᠲᠡᠦᠬᠡᠨ ᠳᠦ ᠣᠷᠣᠵᠠᠢ᠃
3. 20 ᠵᠠᠭᠤᠨ ᠤ ᠡᠬᠢᠨ ᠳᠦ ᠹᠢᠨᠯᠠᠨ᠋ᠳ᠋ ᠍ ᠤᠨ ᠰᠸᠸᠳᠡᠨ ᠡᠷᠳᠡᠮᠲᠡᠨ ᠭ ᠷᠠᠮᠰᠲ᠋ᠧᠳᠲ «ᠣᠶᠢᠷᠠᠳ» «ᠣᠭᠤᠵᠠ» ᠬᠣᠶᠠᠷ ᠢ ᠬᠣᠯᠪᠣᠨ ᠳᠤᠷᠠᠳᠴᠤ ᠪᠠᠶᠢᠪᠠ᠃
4. 1993 ᠣᠨ ᠳᠤ ᠣᠷᠣᠰ ᠤᠨ ᠬᠠᠯᠢᠮᠠᠭ ᠡᠷᠳᠡᠮᠲᠡᠨ ᠨ ᠤᠪᠤᠱᠠᠸ ᠺᠣᠢᠷᠠ (ᠨᠣᠬᠠᠢ) ᠭᠡᠬᠦ ᠦᠭᠡ ᠲᠡᠢ ᠬᠣᠯᠪᠣᠭᠳᠠᠭᠤᠯᠤᠨ ᠴᠢᠨᠣ᠎ᠠ᠂ ᠨᠣᠬᠠᠢ ᠶᠢ ᠳᠡᠭᠡᠳᠦᠯᠡᠬᠦ ᠦᠵᠡᠯ ᠡᠴᠡ ᠭᠠᠷᠤᠭᠰᠠᠨ ᠤᠤ ᠭᠡᠬᠦ ᠰᠠᠨᠠᠯ ᠳᠡᠪᠰᠢᠭᠦᠯᠦᠭᠰᠡᠨ᠃

ᠠᠩᠬᠠᠷᠬᠣ ᠨᠡᠷ᠎ᠡ

ᠣᠶᠢᠷᠠᠳ ᠢ (ᠠᠩᠭᠯᠢ ᠪᠠᠷ Oirats) ᠣᠯᠠᠨ ᠤᠯᠤᠰ ᠲᠤ ᠳᠣᠣᠷᠠᠬᠢ ᠤᠳᠬ᠎ᠠ ᠪᠠᠷ ᠲᠥᠯᠦᠭᠡᠯᠡᠭᠦᠯᠵᠦ ᠪᠢᠴᠢᠬᠦ ᠨᠢ ᠪᠠᠶᠢᠳᠠᠭ᠃

• ᠪᠠᠷᠠᠭᠤᠨ ᠮᠣᠩᠭᠣᠯ – ᠪᠠᠶᠢᠷᠢᠰᠢᠯ ᠢᠶᠠᠷ ᠨᠢ
• ᠬᠠᠯᠢᠮᠠᠭ – ᠧᠦ᠋ᠷᠣᠫᠠ ᠳᠤ ᠣᠶᠢᠷ᠎ᠠ ᠬᠡᠰᠡᠭ ᠢᠶᠡᠷ ᠨᠢ
• ᠵᠦᠩᠭᠠᠷ – ᠲᠡᠦᠬᠡᠨ ᠤᠯᠤᠰ ᠤᠨ ᠨᠡᠷ᠎ᠡ ᠪᠡᠷ ᠨᠢ

ᠲᠡᠦᠬᠡ

ᠳᠤᠮᠳᠠᠳᠤ ᠵᠠᠭᠤᠨ ᠤ ᠦᠶ᠎ᠡ ᠶᠢᠨ ᠣᠶᠢᠷᠠᠳ ᠤᠨ ᠭᠠᠵᠠᠷ ᠤᠨ ᠵᠢᠷᠤᠭ᠃ ᠪᠠᠯᠬᠠᠰ ᠨᠠᠭᠤᠷ᠂ ᠢᠯᠢ᠂ ᠡᠷᠴᠢᠰ᠂ ᠣᠪᠢ ᠮᠥᠷᠡᠨ ᠢ ᠵᠢᠷᠤᠭᠰᠠᠨ ᠪᠠᠶᠢᠨ᠎ᠠ

ᠡᠨᠡ ᠬᠡᠰᠡᠭ ᠢ ᠦᠷᠭᠡᠳᠭᠡᠬᠦ ᠬᠡᠷᠡᠭᠲᠡᠢ ᠃ </div>

ᠣᠶᠢᠷᠠᠳ ᠤᠨ ᠨᠣᠶᠠᠨ ᠬᠤᠲᠤᠭ ᠪᠡᠬᠢ ᠴᠢᠩᠭᠢᠰ ᠬᠠᠭᠠᠨᠢ ᠬᠦᠦ ᠵᠦᠴᠢ ᠪᠡᠷ ᠤᠳᠤᠷᠢᠳᠤᠭᠤᠯᠤᠭᠰᠠᠨ ᠴᠡᠷᠢᠭ ᠲᠦ ᠢᠯᠠᠭᠳᠠᠵᠤ ᠳᠠᠭᠠᠷ᠎ᠠ ᠣᠷᠣᠭᠰᠠᠨ ᠪᠥᠭᠡᠳ ᠬᠣᠵᠢᠮ ᠦᠨᠡᠨᠴᠢ ᠪᠡᠷ ᠵᠢᠳᠬᠦᠭ᠍ᠰᠡᠨ ᠦ ᠲᠤᠯᠠ ᠴᠢᠩᠭᠢᠰ ᠬᠠᠭᠠᠨ ᠬᠤᠲᠤᠭ ᠪᠡᠬᠡ ᠶᠢᠨ ᠬᠦᠦ ᠢᠨᠠᠯᠴᠢᠳ ᠥᠪᠡᠷ ᠦᠨ ᠥᠬᠢᠨ ᠴᠡᠶᠢᠵᠢᠨ ᠢ᠂ ᠲᠡᠭᠦᠨ ᠦ ᠳᠡᠭᠦᠦ ᠲᠥᠷᠥᠯᠴᠢᠳ ᠵᠦᠴᠢ ᠶᠢᠨ ᠢᠶᠡᠨ ᠥᠬᠢᠨ ᠬᠣᠯᠤᠶᠢᠬᠠᠨ ᠢ ᠬᠠᠲᠤᠨ ᠪᠣᠯᠭᠠᠨ ᠥᠭᠴᠦ ᠬᠤᠳᠠ ᠬᠤᠳᠠᠭᠤᠢ ᠪᠣᠯᠵᠤ᠂ ᠣᠶᠢᠷᠠᠳ ᠤᠳ ᠢ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠤᠨ ᠪᠣᠭᠣᠷᠴᠢ ᠶᠢᠨ ᠬᠠᠷᠢᠶᠠᠨ ᠳᠤ 4 ᠲᠦᠮᠡᠨ ᠪᠣᠯᠭᠠᠵᠠᠢ᠃ ᠡᠨᠡ ᠴᠠᠭ ᠠᠴᠠ "ᠳᠥᠷᠪᠡᠨ ᠣᠶᠢᠷᠠᠳ" ᠭᠡᠳᠡᠭ ᠨᠡᠷ᠎ᠡ ᠭᠠᠷᠴᠠᠢ᠃ ᠡᠭᠦᠨ ᠦ ᠳᠠᠷᠠᠭ᠎ᠠ ᠣᠶᠢᠷᠠᠳ ᠤᠳ ᠪᠠᠷᠠᠭᠤᠨ ᠵᠦᠭ ᠨᠡᠭᠦᠵᠦ ᠶᠡᠨᠢᠰᠧᠢ ᠮᠥᠷᠡᠨ ᠦ ᠡᠬᠢ ᠳᠡᠯᠭᠡᠷ ᠮᠥᠷᠡᠨ ᠦ ᠰᠠᠪᠠ ᠪᠠᠷ ᠣᠴᠢᠵᠤ ᠨᠤᠲᠤᠭᠯᠠᠵᠤ ᠪᠠᠶᠢᠭᠠᠳ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠬᠣᠢᠳᠣ ᠬᠠᠭᠠᠰ ᠲᠤ ᠵᠠᠪᠬᠠᠨ᠂ ᠬᠦᠩᠤᠢ ᠭᠣᠣᠯ᠂ ᠠᠯᠲᠠᠢ ᠶᠢᠨ ᠠᠭᠤᠯᠠ ᠶᠢᠨ ᠵᠡᠭᠦᠨ ᠪᠡᠯ ᠬᠦᠷᠴᠦ ᠨᠤᠲᠤᠭᠯᠠᠭᠰᠠᠨ ᠪᠥᠭᠡᠳ ᠲᠡᠳᠡ ᠠᠷᠠᠭᠪᠤᠬᠤ᠂ ᠬᠠᠶᠢᠳᠤ ᠨᠠᠷ ᠤᠨ ᠬᠠᠷᠢᠶᠠᠲᠤ ᠨᠤᠭᠤᠳ ᠪᠣᠯᠵᠠᠢ᠃ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡᠰ ᠣᠶᠢᠷᠠᠳ ᠤᠳ ᠮᠣᠩᠭᠣᠯ ᠤᠨ ᠬᠠᠭᠠᠳ ᠤᠨ ᠮᠡᠳᠡᠯ ᠡᠴᠡ ᠭᠠᠷᠴᠤ ᠲᠤᠰᠠᠭᠠᠷᠯᠠᠬᠤ ᠶᠢᠨ ᠲᠥᠯᠥᠭᠡ ᠲᠡᠮᠡᠴᠡᠬᠦ ᠪᠣᠯᠤᠭᠰᠠᠨ ᠢᠶᠠᠷ ᠡᠯᠪᠡᠭ ᠬᠠᠭᠠᠨ ᠤ ᠦᠶ᠎ᠡ ᠳᠦ ᠠᠭᠤᠭᠤᠯ ᠮᠣᠩᠭᠣᠯ ᠣᠷᠣᠨ ᠪᠠᠷᠠᠭᠤᠨ᠂ ᠵᠡᠭᠦᠨ ᠮᠣᠩᠭᠣᠯ᠂ ᠤᠷᠢᠶᠠᠩᠬᠠᠢ ᠶᠢᠨ 3 ᠬᠢᠵᠠᠭᠠᠷ ᠪᠣᠯᠵᠤ ᠬᠤᠪᠢᠶᠠᠭᠳᠠᠨ ᠬᠣᠭᠣᠷᠣᠨᠳᠣ ᠪᠠᠨ ᠲᠡᠮᠡᠴᠡᠯᠳᠦᠬᠦ ᠦᠶ᠎ᠡ ᠡᠬᠢᠯᠡᠵᠡᠢ᠃ 15-16 ᠵᠠᠭᠤᠨ ᠤ ᠦᠶ᠎ᠡ ᠳᠦ ᠣᠶᠢᠷᠠᠳ ᠤᠳ ᠳᠠᠬᠢᠨ ᠪᠠᠷᠠᠭᠤᠨ ᠲᠡᠰᠢ ᠨᠡᠭᠦᠳᠡᠯᠯᠡᠨ ᠠᠯᠲᠠᠢ ᠶᠢᠨ ᠠᠭᠤᠯᠠ᠂ ᠡᠷᠴᠢᠰ ᠮᠥᠷᠡᠨ ᠦ ᠡᠬᠢ᠂ ᠪᠠᠷᠬᠡᠯ᠂ ᠬᠠᠮᠢ᠂ ᠣᠷᠳᠣᠰ ᠤᠨ ᠪᠠᠷᠠᠭᠤᠨ ᠬᠣᠶᠢᠭᠤᠷ ᠣᠴᠢᠵᠤ ᠰᠠᠭᠤᠷᠢᠰᠢᠭᠰᠠᠨ ᠶᠤᠮ᠃ ᠲᠡᠳᠡ "ᠳᠥᠷᠪᠡᠨ ᠣᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ" ᠭᠡᠳᠡᠭ ᠡᠷᠬᠡ ᠪᠠᠷᠢᠬᠤ ᠳᠡᠭᠡᠳᠦ ᠪᠠᠶᠢᠭᠤᠯᠤᠯᠭ᠎ᠠ ᠪᠠᠶᠢᠭᠤᠯᠵᠤ᠂ ᠳᠠᠷᠤᠭ᠎ᠠ ᠪᠠᠷ ᠨᠢ ᠪᠦᠪᠡᠢ ᠮᠡᠷᠵᠡᠢ᠂ ᠳᠠᠷᠠᠭ᠎ᠠ ᠨᠢ ᠪᠠᠶᠢᠪᠠᠭᠠᠰ ᠨᠠᠷ ᠠᠵᠢᠯᠯᠠᠵᠤ ᠪᠠᠶᠢᠴᠠᠢ᠃

ᠬᠦᠮᠦᠨ ᠠᠮᠠ ᠶᠢᠨ ᠲᠣᠭ᠎ᠠ᠂ ᠨᠤᠲᠤᠭ᠂ ᠣᠪᠤᠭ ᠠᠶᠢᠮᠠᠭ

ᠡᠳᠦᠭᠡ ᠪᠠᠲᠤ ᠲᠠᠢ ᠣᠶᠢᠷᠠᠳ ᠤᠨ ᠶᠠᠰᠤᠲᠤ ᠬᠦᠮᠦᠨ ᠭᠡᠪᠡᠯ 700 ᠮᠢᠩᠭ᠎ᠠ ᠪᠠᠶᠢᠨ᠎ᠠ᠃ ᠡᠭᠦᠨ ᠡᠴᠡ ᠬᠢᠲᠠᠳ ᠲᠤ 250 ᠮᠢᠩᠭ᠎ᠠ᠂ ᠮᠣᠩᠭᠣᠯ ᠳᠤ 240 ᠮᠢᠩᠭ᠎ᠠ᠂ ᠣᠷᠣᠰ ᠲᠤ 190 ᠮᠢᠩᠭ᠎ᠠ ᠪᠤᠢ᠃

ᠮᠣᠩᠭᠣᠯ ᠤᠯᠤᠰ ᠲᠤ

ᠮᠣᠩᠭᠣᠯ ᠤᠯᠤᠰ ᠤᠨ ᠬᠦᠮᠦᠨ ᠠᠮᠠ ᠶᠢᠨ ᠶᠠᠰᠤ ᠦᠨᠳᠦᠰᠦ᠂ ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢᠨ ᠭᠠᠵᠠᠷ ᠤᠨ ᠵᠢᠷᠤᠭ᠃ 1979 ᠣᠨ

ᠮᠣᠩᠭᠣᠯ ᠤᠯᠤᠰ 2010 ᠣᠨ ᠳᠤ ᠬᠦᠮᠦᠨ ᠠᠷᠤ ᠳᠠᠭᠠᠨ ᠲᠣᠭᠠᠯᠠᠬᠤ ᠳᠤ ᠰᠠᠭᠤᠷᠢᠨ ᠬᠦᠮᠦᠨ ᠠᠮᠠ ᠶᠢᠨ 9.0 ᠬᠤᠪᠢ᠂ 236 ᠮᠢᠩᠭ᠎ᠠ ᠨᠢ ᠣᠶᠢᠷᠠᠳ ᠤᠨ ᠶᠠᠰᠤᠲᠠᠨ ᠪᠠᠶᠢᠯ᠎ᠠ᠃ ᠡᠭᠦᠨ ᠳᠦ ᠲᠣᠷᠭᠤᠳ᠂ ᠳᠥᠷᠪᠡᠳ (ᠳᠥᠷᠪᠡ ᠳᠦ ᠳᠣᠲᠣᠷ᠎ᠠ ᠬᠣᠲᠠᠨ), ᠪᠠᠶᠠᠳ᠂ ᠵᠠᠬᠠᠴᠢᠨ᠂ ᠮᠢᠩᠭᠠᠳ᠂ ᠬᠣᠶᠢᠳᠤ᠂ ᠬᠣᠱᠤᠳ᠂ ᠥᠭᠡᠯᠡᠳ᠂ ᠤᠷᠢᠶᠠᠩᠬᠠᠢ ᠪᠠᠶᠢᠨ᠎ᠠ᠃ ᠤᠨᠠᠭᠠᠨ ᠤᠪᠰᠤ᠂ ᠬᠣᠪᠳᠣ᠂ ᠪᠠᠶᠠᠨ-ᠥᠯᠥᠭᠡᠢ᠂ ᠬᠥᠪᠰᠥᠭᠥᠯ ᠠᠶᠢᠮᠠᠭ ᠪᠣᠯᠤᠨ ᠤᠯᠠᠭᠠᠨᠪᠠᠭᠠᠲᠤᠷ ᠨᠡᠶᠢᠰᠯᠡᠯ ᠳᠦ ᠣᠷᠣᠰᠢᠨ ᠰᠠᠭᠤᠵᠤ ᠪᠠᠶᠢᠨ᠎ᠠ᠃ ᠠᠵᠤ ᠦᠢᠯᠡᠳᠪᠦᠷᠢᠵᠢᠯᠲᠡ᠂ ᠠᠲᠠᠷ ᠤᠨ ᠠᠶᠠᠨ ᠢᠶᠠᠷ ᠳᠠᠷᠬᠠᠨ᠂ ᠡᠷᠳᠡᠨᠢᠲᠦ᠂ ᠰᠡᠯᠡᠩᠭᠡ ᠶᠢ ᠵᠣᠷᠢᠭᠰᠠᠨ ᠨᠢ ᠴᠥᠭᠡᠨ ᠦᠭᠡᠢ᠃

ᠶᠠᠰᠤ᠂ ᠠᠶᠢᠮᠠᠭ	2000 ᠣᠨ	2010 ᠣᠨ	2010 ᠣᠨ ᠳᠤ ᠭᠣᠣᠯᠳᠠᠭᠤ ᠬᠠᠮᠢᠭ᠎ᠠ ᠨᠤᠲᠤᠭᠯᠠᠵᠤ ᠪᠠᠶᠢᠪᠠ
ᠳᠥᠷᠪᠡ ᠳᠦ	66,706	72,403	ᠤᠪᠰᠤ (42.9%), ᠣᠯᠠᠭᠠᠨᠪᠠᠭᠠᠳᠣᠷ (31.3%), ᠬᠣᠪᠳᠣ (7.1%)
ᠪᠠᠶᠠᠳ	50,824	56,573	ᠤᠪᠰᠤ (45.4%), ᠣᠯᠠᠭᠠᠨᠪᠠᠭᠠᠳᠣᠷ (32.5%), ᠳᠠᠷᠬᠠᠨ-ᠠᠭᠤᠯᠠ (6.9%)
ᠵᠠᠬᠠᠴᠢᠨ	29,766	32,845	ᠬᠣᠪᠳᠣ (60.3%), ᠣᠯᠠᠭᠠᠨᠪᠠᠭᠠᠳᠣᠷ (26.2%), ᠳᠠᠷᠬᠠᠨ-ᠠᠭᠤᠯᠠ (4.9%)
ᠤᠷᠢᠶᠠᠩᠬᠠᠢ	25,183	26,654	ᠬᠣᠪᠳᠣ (23.4%), ᠣᠯᠠᠭᠠᠨᠪᠠᠭᠠᠳᠣᠷ (23.0%), ᠪᠠᠶᠠᠨ-ᠥᠯᠥᠭᠡᠢ (19.9%)
ᠥᠭᠡᠯᠡᠳ	14,634	15,520	ᠣᠯᠠᠭᠠᠨᠪᠠᠭᠠᠳᠣᠷ (38.9%), ᠬᠣᠪᠳᠣ (32.1%), ᠠᠷᠤᠬᠠᠩᠭᠠᠢ (16.4%)
ᠲᠣᠷᠭᠤᠳ	12,628	14,176	ᠬᠣᠪᠳᠣ (44.1%), ᠣᠯᠠᠭᠠᠨᠪᠠᠭᠠᠳᠣᠷ (40.3%), ᠳᠠᠷᠬᠠᠨ-ᠠᠭᠤᠯᠠ (6.3%)
ᠬᠣᠲᠣᠩ	9,014	11,304	ᠤᠪᠰᠤ (47.6%), ᠣᠷᠬᠣᠨ (17.3%), ᠰᠡᠯᠡᠩᠭᠡ (14.4%)
ᠮᠢᠩᠭᠠᠳ	6,082	6,592	ᠬᠣᠪᠳᠣ (57.0%), ᠣᠯᠠᠭᠠᠨᠪᠠᠭᠠᠳᠣᠷ (29.7%), ᠤᠪᠰᠤ (2.7%)
ᠨᠡᠶᠢᠯᠡᠪᠦᠷᠢ	214,837	236,067	ᠣᠯᠠᠭᠠᠨᠪᠠᠭᠠᠳᠣᠷ᠂ ᠤᠪᠰᠣ᠂ ᠬᠣᠪᠳᠣ᠂ ᠳᠠᠷᠬᠠᠨ-ᠠᠭᠤᠯᠠ᠂ ᠣᠷᠬᠣᠨ᠂ ᠰᠡᠯᠡᠩᠭᠡ

ᠮᠥᠨ ᠳᠠᠷᠬᠠᠳ᠂ ᠬᠣᠲᠣᠭᠣᠶᠢᠳ᠂ ᠳᠠᠷᠢᠭᠠᠩᠭ᠎ᠠ ᠶᠠᠰᠤᠲᠠᠨ ᠢ ᠪᠦᠷᠢᠳᠦᠭᠦᠯᠬᠦ ᠳᠦ ᠣᠶᠢᠷᠠᠳ ᠣᠷᠣᠯᠴᠠᠭᠰᠠᠨ ᠭᠡᠳᠡᠭ᠃

ᠳᠤᠮᠳᠠᠳᠤ ᠤᠯᠤᠰ ᠲᠤ

ᠮᠣᠩᠭᠣᠯ᠂ ᠬᠢᠲᠠᠳ ᠳᠠᠬᠢ ᠣᠶᠢᠷᠠᠳ ᠠᠶᠠᠯᠭᠤᠨ ᠤ ᠲᠣᠶᠢᠮᠣ ᠲᠡᠳᠦᠢ ᠭᠠᠵᠠᠷ ᠤᠨ ᠵᠢᠷᠤᠭ  (ᠣᠷᠣᠰ᠃)

ᠳᠤᠮᠳᠠᠳᠤ ᠤᠯᠤᠰ ᠲᠤ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠭᠡᠵᠦ ᠪᠦᠷᠢᠳᠬᠡᠳᠡᠭ ᠪᠣᠯᠬᠣᠷ ᠲᠡᠷᠡ ᠳᠣᠲᠣᠷᠠᠬᠢ ᠣᠶᠢᠷᠠᠳ ᠤᠨ ᠲᠣᠭ᠎ᠠ ᠶᠢ ᠢᠯᠭᠠᠨ ᠮᠡᠳᠡᠬᠦ ᠬᠡᠴᠡᠭᠦᠦ᠃ ᠨᠤᠲᠤᠭ ᠢᠶᠠᠷ ᠪᠠᠷᠢᠮᠵᠢᠶᠠᠯᠠᠭᠰᠠᠨ ᠰᠤᠳᠤᠯᠭ᠎ᠠ ᠶᠢ ᠳᠣᠣᠷ᠎ᠠ ᠬᠦᠰᠦᠨᠦᠭᠲᠦᠯᠡᠪᠡ᠃ ᠰᠢᠨᠵᠢᠶᠠᠩ ᠳᠤ 150 ᠮᠢᠩᠭ᠎ᠠ᠂ ᠬᠥᠬᠡᠨᠠᠭᠤᠷ ᠲᠤ 80 ᠮᠢᠩᠭ᠎ᠠ᠂ ᠪᠤᠰᠤᠳ ᠭᠠᠵᠠᠷ ᠲᠤ 20 ᠮᠢᠩᠭ᠎ᠠ ᠭᠡᠳ ᠪᠦᠭᠦᠳᠡ 250 ᠮᠢᠩᠭ᠎ᠠ ᠪᠠᠶᠢᠨ᠎ᠠ᠃ ᠰᠢᠨᠵᠢᠶᠠᠩ ᠤᠨ ᠲᠣᠷᠭᠤᠳ᠂ ᠬᠣᠱᠤᠳ᠂ ᠤᠷᠢᠶᠠᠩᠬᠠᠢ᠂ ᠥᠭᠡᠯᠡᠳ᠂ ᠬᠥᠬᠡᠨᠠᠭᠤᠷ ᠲᠤ ᠬᠣᠱᠤᠳ (ᠳᠡᠭᠡᠳᠦ ᠮᠣᠩᠭᠣᠯ), ᠥᠪᠥᠷ ᠮᠣᠩᠭᠣᠯ ᠍ ᠤᠨ ᠠᠯᠠᠱᠠ ᠳᠦ ᠬᠣᠱᠤᠳ᠂ ᠲᠣᠷᠭᠤᠳ᠂ ᠬᠥᠯᠦᠨ ᠪᠤᠶᠢᠷ ᠲᠤ ᠥᠭᠡᠯᠡᠳ ᠪᠠᠶᠢᠳᠠᠭ᠃

ᠮᠤᠵᠢ᠂ ᠣᠷᠣᠨ	ᠠᠶᠢᠮᠠᠭ᠂ ᠬᠣᠲᠠ	ᠬᠦᠮᠦᠨ ᠠᠮᠠ	ᠶᠠᠰᠤ᠂ ᠠᠶᠢᠮᠠᠭ; ᠣᠯᠠᠩᠬᠢ ᠶᠢᠨ ᠨᠤᠲᠤᠭ
ᠰᠢᠨᠵᠢᠶᠠᠩ	ᠪᠠᠶᠠᠨᠭᠣᠣᠯ	49,000	ᠲᠣᠷᠭᠤᠳ᠂ ᠬᠣᠱᠤᠳ; ᠬᠡᠵᠢᠨ ᠰᠢᠶᠠᠨ ᠳᠤ 30000
	ᠪᠣᠷᠲᠠᠯ	26,000	ᠶᠡᠬᠡᠪᠴᠢᠯᠡᠨ ᠲᠣᠷᠭᠤᠳ; ᠷᠠᠰᠢᠶᠠᠨ ᠰᠢᠶᠠᠨ ᠳᠤ 11000
	ᠢᠯᠢ	34,000	ᠥᠭᠡᠯᠡᠳ; ᠮᠣᠩᠭᠣᠯᠬᠢᠷᠢᠶ᠎ᠡ ᠰᠢᠶᠠᠨ ᠳᠤ 17000
	ᠲᠠᠷᠪᠠᠭᠠᠲᠠᠢ	32,300	ᠲᠣᠷᠭᠤᠳ; ᠬᠣᠪᠣᠭᠰᠠᠶᠢᠷ ᠰᠢᠶᠠᠨ ᠳᠤ 17000
	ᠥᠷᠦᠮᠴᠢ	7,000	ᠶᠡᠬᠡᠪᠴᠢᠯᠡᠨ ᠲᠣᠷᠭᠤᠳ᠂ ᠬᠣᠱᠤᠳ᠂ ᠥᠭᠡᠯᠡᠳ
	ᠬᠠᠷᠮᠠᠢ	2,000	ᠲᠣᠷᠭᠤᠳ
	ᠬᠠᠮᠢᠯ	2,000	ᠪᠠᠷᠬᠡᠯ ᠰᠢᠶᠠᠨ ᠳᠤ ᠰᠠᠭᠤᠳᠠᠭ
	ᠴᠣᠨᠵᠢ	2,000	ᠵᠢᠮᠢᠰ ᠶᠢᠡᠷ ᠰᠢᠶᠠᠨ ᠳᠤ ᠰᠠᠭᠤᠳᠠᠭ
ᠬᠥᠬᠡᠨᠠᠭᠤᠷ		70,000	ᠬᠠᠶᠢᠰᠢ (ᠴᠠᠶᠢᠳᠠᠮ), ᠬᠢᠨᠠᠨ ᠳᠤ ᠪᠠᠶᠢᠨ᠎ᠠ
ᠭᠠᠨᠰᠤ			ᠰᠦ᠋ᠪᠡᠢ ᠰᠢᠶᠠᠨ ᠳᠤ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ
ᠥᠪᠥᠷ ᠮᠣᠩᠭᠣᠯ	ᠠᠯᠠᠱᠠ		ᠠᠯᠠᠱᠠ ᠬᠣᠱᠤᠳ᠂ ᠡᠵᠡᠨ᠎ᠡ ᠲᠣᠷᠭᠤᠳ
	ᠬᠥᠯᠦᠨ ᠪᠤᠶᠢᠷ		ᠡᠪᠡᠩᠬᠡ ᠬᠣᠰᠢᠭᠤᠨ ᠤ ᠢᠮᠢᠨ ᠭᠣᠣᠯ ᠤᠨ ᠡᠷᠭᠢ ᠳᠦ

ᠣᠷᠣᠰ ᠤᠯᠤᠰ ᠲᠤ

ᠹᠠᠢᠢᠯ:ᠺᠠᠷᠲᠠ ᠺᠠᠯᠮ ᠤᠴᠺᠣᠭᠣ ᠢᠵᠠ ᠤᠺᠠ᠃ ᠫᠠᠸᠯᠠᠪᠠ ᠳ᠃ᠠ᠃ 1971 ᠭᠷᠠᠮ᠃.png

1971 ᠣᠨ ᠳᠤ ᠵᠢᠷᠤᠭᠰᠠᠨ ᠨᠤᠲᠤᠭ ᠤᠨ ᠠᠶᠠᠯᠭᠤᠨ ᠤ ᠭᠠᠵᠠᠷ ᠤᠨ ᠵᠢᠷᠤᠭ᠃ ᠤᠯᠠᠪᠢᠷ ᠰᠢᠷ᠎ᠠ ᠪᠠᠷ ᠲᠣᠷᠭᠤᠳ᠂ ᠡᠯᠡᠰᠦᠨ ᠰᠢᠷ᠎ᠠ ᠪᠠᠷ ᠳᠥᠷᠪᠡᠳ ᠢ ᠵᠢᠷᠤᠵᠠᠢ

ᠣᠷᠣᠰ ᠤᠯᠤᠰ ᠲᠤ ᠺᠠᠰᠫ ᠦᠨ ᠲᠡᠩᠭᠢᠰ᠂ ᠢᠵᠢᠯ ᠮᠥᠷᠡᠨ ᠦ ᠡᠷᠭᠢ ᠳᠦ ᠬᠠᠯᠢᠮᠠᠭ ᠣᠷᠣᠨ ᠪᠠᠶᠢᠨ᠎ᠠ᠃ 2010 ᠣᠨ ᠤ ᠬᠦᠮᠦᠨ ᠠᠮᠠ ᠶᠢᠨ ᠲᠣᠭᠠᠯᠠᠯᠭ᠎ᠠ ᠠᠴᠠ ᠦᠵᠡᠪᠡᠯ ᠬᠠᠯᠢᠮᠠᠭ ᠲᠤ 162,740 (ᠬᠦᠮᠦᠨ ᠠᠮᠠ ᠶᠢᠨ 58 ᠬᠤᠪᠢ), ᠠᠰᠲᠷᠠᠬᠠᠨᠢ ᠮᠤᠵᠢ ᠳᠤ 6,624, ᠮᠣᠰᠺᠸᠠ ᠬᠣᠳᠠ ᠳᠤ 3,996, ᠨᠡᠶᠢᠲᠡ ᠣᠷᠣᠰ ᠳᠠᠶᠠᠭᠠᠷ 183,372 ᠬᠠᠯᠢᠮᠠᠭ ᠪᠤᠶᠤ ᠣᠶᠢᠷᠠᠳ ᠬᠦᠮᠦᠨ ᠪᠠᠶᠢᠨ᠎ᠠ᠃

ᠬᠠᠯᠢᠮᠠᠭ ᠭᠡᠵᠦ ᠨᠢᠭᠡᠳᠬᠡᠨ ᠪᠦᠷᠢᠳᠬᠡᠳᠡᠭ ᠪᠣᠯᠬᠤ ᠠᠴᠠ ᠡᠮᠦᠨ᠎ᠡ ᠬᠠᠮᠤᠭ ᠤᠨ ᠰᠡᠭᠦᠯ ᠳᠦ 1861 ᠣᠨ ᠳᠤ ᠣᠪᠤᠭ ᠠᠶᠢᠮᠠᠭ ᠢᠶᠠᠷ ᠪᠦᠷᠢᠳᠬᠡᠵᠡᠢ᠃ ᠡᠭᠦᠨ ᠳᠦ 45% ᠨᠢ ᠲᠣᠷᠭᠤᠳ᠂ 34 ᠬᠤᠪᠢ ᠨᠢ ᠳᠥᠷᠪᠡᠳ᠂ 15 ᠬᠤᠪᠢ ᠨᠢ ᠪᠤᠵᠠᠸᠠ᠂ 6 ᠬᠤᠪᠢ ᠨᠢ ᠬᠣᠱᠤᠳ ᠪᠠᠶᠢᠪᠠ᠃ ᠣᠳᠣ ᠴᠤ ᠭᠡᠰᠡᠨ ᠲᠡᠷᠡ ᠳ᠋ᠦᠩ ᠢᠶᠡᠨ ᠪᠠᠷᠢᠨ ᠲᠣᠭᠠᠴᠠᠪᠠᠯ 80 ᠮᠢᠩᠭᠠᠨ ᠲᠣᠷᠭᠤᠳ᠂ 60 ᠮᠢᠩᠭᠠᠨ ᠳᠥᠷᠪᠡ ᠳᠦ᠂ 30 ᠮᠢᠩᠭᠠᠨ ᠪᠤᠵᠠᠸᠠ᠂ 10 ᠮᠢᠩᠭᠠᠨ ᠬᠣᠰᠢ ᠨᠤᠭᠤᠳ ᠠᠴᠠ ᠪᠥᠷᠢᠳᠴᠦ ᠪᠠᠶᠢᠭ᠎ᠠ ᠶᠤᠮ᠃

ᠣᠷᠣᠰ ᠤᠨ ᠠᠯᠲᠠᠢ ᠶᠠᠰᠤᠲᠠᠨ ᠢ 1948 ᠣᠨ ᠬᠦᠷᠲᠡᠯ᠎ᠡ ᠣᠶᠢᠷᠠᠳ ᠭᠡᠭᠳᠡᠵᠦ ᠶᠠᠪᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠲᠤᠸᠠ ᠶᠢ ᠤᠷᠢᠶᠠᠩᠬᠠᠢ ᠭᠡᠭᠳᠡᠵᠦ ᠶᠠᠪᠤᠭᠰᠠᠨ ᠤ ᠬᠤᠪᠢ ᠳᠤ ᠬᠠᠮᠢᠶᠠᠳᠠᠭᠤᠯᠬᠤ ᠨᠢ ᠪᠠᠶᠢᠳᠠᠭ᠃

ᠪᠤᠰᠤᠳ ᠣᠷᠣᠨ ᠳᠤ

ᠬᠢᠷᠭᠢᠰ ᠤᠯᠤᠰ ᠲᠤ «ᠬᠠᠯᠢᠮᠠᠭ» ᠭᠡᠵᠦ ᠪᠦᠷᠢᠳᠬᠡᠭᠳᠡᠳᠡᠭ ᠣᠶᠢᠷᠠᠳ ᠪᠠᠶᠢᠨ᠎ᠠ᠃ ᠢᠰᠯᠠᠮ ᠱᠠᠰᠢᠨ ᠲᠠᠢ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ ᠬᠣᠲᠠᠨ ᠬᠠᠯᠢᠮᠠᠭ ᠭᠡᠨ᠎ᠡ᠃ 1999 ᠣᠨ ᠳᠤ 5,824 ᠪᠠᠶᠢᠭᠰᠠᠨ ᠢᠶᠠᠨ 2009 ᠣᠨ ᠪᠣᠯᠬᠤ ᠳᠤ 4,188 ᠬᠦᠮᠦᠨ ᠬᠠᠯᠢᠮᠠᠭ ᠭᠡᠵᠦ ᠮᠡᠳᠡᠭᠦᠯᠵᠡᠢ᠃ ᠡᠭᠦᠨ ᠡᠴᠡ 2,805 ᠨᠢ ᠠᠺ-ᠰᠤᠢ᠂ 679 ᠨᠢ ᠬᠠᠷᠭᠣᠯ ᠬᠣᠳᠠ ᠳᠤ ᠣᠷᠣᠰᠢᠨ ᠰᠠᠭᠤᠵᠤ ᠪᠠᠶᠢᠨ᠎ᠠ᠃ ᠭᠡᠬᠦ ᠳᠦ ᠪᠡᠨ ᠥᠪᠡᠷᠰᠡᠳ ᠢ ᠪᠡᠨ ᠬᠢᠷᠭᠢᠰ ᠭᠡᠵᠦ ᠪᠦᠷᠢᠳᠬᠡᠭᠦᠯᠳᠡᠭ ᠪᠣᠯᠤᠭᠰᠠᠨ ᠢ ᠣᠷᠣᠭᠤᠯᠤᠭᠠᠳ ᠬᠣᠲᠠᠨ ᠬᠠᠯᠢᠮᠠᠭ ᠤᠳ ᠢ 10,000 ᠭᠠᠷᠤᠢ ᠪᠠᠶᠢᠭ᠎ᠠ ᠭᠡᠵᠦ ᠲᠣᠭᠠᠴᠠᠳᠠᠭ᠃

ᠣᠶᠢᠷᠠᠳ ᠭᠡᠳᠡᠭ ᠨᠢ ᠮᠡᠳᠡᠭᠳᠡᠵᠦ ᠪᠠᠶᠢᠭ᠎ᠠ ᠠᠴᠠ ᠬᠡᠯᠡᠪᠡᠯ ᠠᠮᠧᠷᠢᠺᠠ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠍ ᠳᠦ 2000, ᠴᠧᠬᠡ ᠳᠦ 2000, ᠹᠷᠠᠨᠼᠢ ᠳᠤ 800, ᠬᠠᠰᠠᠭ ᠲᠤ 1000, ᠦᠺᠷᠠᠶᠢᠨ ᠳᠤ 700 ᠣᠷᠴᠢᠮ ᠬᠠᠯᠢᠮᠠᠭ ᠪᠤᠶᠤ ᠣᠶᠢᠷᠠᠳ ᠪᠠᠶᠢᠨ᠎ᠠ᠃ ᠮᠣᠩᠭᠣᠯ ᠤᠯᠤᠰ ᠤᠨ 100 ᠮᠢᠩᠭ᠎ᠠ ᠭᠠᠷᠤᠢ ᠢᠷᠭᠡᠨ ᠭᠠᠳᠠᠭᠠᠳᠤ ᠳᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠭ᠎ᠠ᠂ ᠲᠡᠳᠡᠨ ᠢ ᠳᠡᠭᠡᠷ᠎ᠡ ᠲᠣᠭᠠᠴᠠᠭᠠᠨ ᠳᠤ ᠣᠷᠣᠭᠤᠯᠤᠭ᠎ᠠ ᠦᠭᠡᠢ ᠶᠢ ᠪᠣᠳᠣᠨ ᠵᠢᠩᠯᠡᠪᠡᠯ 10,000 ᠮᠢᠩᠭ᠎ᠠ ᠣᠷᠴᠢᠮ ᠨᠢ ᠣᠶᠢᠷᠠᠳ ᠪᠠᠶᠢᠬᠤ ᠪᠣᠯᠤᠮᠵᠢ ᠲᠠᠢ᠃ ᠲᠠᠯ᠎ᠠ ᠠᠴᠠ ᠢᠯᠡᠭᠦᠦ ᠨᠢ ᠡᠮᠦᠨᠡᠲᠦ ᠰᠣᠯᠣᠩᠭᠣᠰ᠂ ᠠᠮᠧᠷᠢᠺᠠ ᠬᠣᠶᠠᠷ ᠲᠤ ᠪᠠᠶᠢᠭ᠎ᠠ᠃

ᠵᠦᠩᠭᠠᠷ ᠤᠨ ᠬᠠᠭᠠᠨᠲᠤ ᠤᠯᠤᠰ 600,000 ᠣᠶᠢᠷᠠᠳ ᠬᠦᠮᠦᠨ ᠠᠮᠠ ᠲᠠᠢ ᠪᠠᠶᠢᠭᠰᠠᠨ ᠴᠤ ᠮᠠᠨᠵᠤ ᠶᠢᠨ ᠲᠩᠷᠢ ᠶᠢᠨ ᠲᠡᠳᠬᠦᠭᠰᠡᠨ ᠬᠠᠭᠠᠨ ᠤ 15-18 ᠍ ᠳᠦᠭᠡᠷ ᠣᠨ ᠪᠤᠶᠤ 1755-1758 ᠣᠨ ᠳᠤ ᠮᠣᠩᠭᠣᠯ ᠤᠨ ᠵᠦᠩᠭᠠᠷ ᠤᠨ ᠬᠠᠭᠠᠨᠲᠤ ᠤᠯᠤᠰ ᠍ ᠢ ᠡᠵᠡᠯᠡᠨ ᠣᠶᠢᠷᠠᠳ ᠤᠳ ᠢ ᠮᠠᠨᠵᠤ ᠶᠢᠨ ᠡᠰᠡᠷᠬᠦ ᠳᠠᠬᠢᠨ ᠲᠡᠮᠡᠴᠡᠬᠦ ᠡᠴᠡ ᠰᠡᠷᠭᠡᠶᠢᠯᠡᠵᠦ ᠵᠤᠩᠭ᠋ᠠᠷᠴᠤᠳ ᠤᠨ ᠭᠤᠷᠪᠠᠨ ᠤ ᠬᠣᠶᠠᠷ ᠢ ᠨᠢ ᠬᠢᠲᠤᠵᠤ ᠳᠠᠭᠤᠰᠬᠠᠭᠰᠠᠨ ᠪᠢᠯᠡ᠃

ᠭᠠᠵᠠᠷ ᠨᠤᠲᠤᠭ

ᠣᠶᠢᠷᠠᠳ ᠤᠳ ᠨᠢ ᠡᠷᠲᠡ ᠴᠠᠭ ᠲᠤ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠡᠷᠭᠢ ᠳᠦ ᠪᠠᠶᠢᠭᠠᠳ ᠬᠣᠵᠢᠮ ᠨᠢ ᠤᠷᠤᠭᠰᠢ ᠨᠡᠭᠦᠵᠢ ᠪᠡᠨ᠃ ᠳᠥᠷᠪᠡᠨ ᠣᠶᠢᠷᠠᠳ ᠨᠢ ᠠᠯᠲᠠᠢ ᠶᠢᠨ ᠨᠢᠷᠤᠭᠤᠨ ᠤ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯ᠎ᠠ᠂ ᠲᠩᠷᠢ ᠠᠭᠤᠯᠠ᠂ ᠪᠠᠯᠬᠠᠰ ᠨᠠᠭᠤᠷ᠂ ᠢᠰᠢᠺᠦᠶᠢᠯᠢ ᠨᠠᠭᠤᠷ᠂ ᠲᠠᠷᠪᠠᠭᠲᠠᠢ ᠶᠢᠨ ᠨᠢᠷᠤᠭᠤ ᠬᠣᠶᠢᠰᠢᠶ᠎ᠠ ᠶᠢ ᠪᠠᠨ ᠶᠡᠨᠢᠰᠡᠢ᠂ ᠣᠪᠢ᠂ ᠡᠷᠴᠢᠰ ᠮᠥᠷᠡᠨ ᠦ ᠰᠠᠪᠠ ᠭᠠᠵᠠᠷ ᠢ ᠪᠠᠭᠲᠠᠭᠠᠭᠰᠠᠨ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠴᠠᠢ᠃

ᠰᠤᠶᠤᠯ